I muri i tenei, ka haere te ope a tona teina, a Te Wana-a-riri, ki Ngapuhi ano. Ka tutaki ki a Nga-pubi ki Moremonui; a, katahi ka whawhai; ka mate a Ngapuhi. Huaina ana te ingoa o tenei pare-kura ko, “Te-kai-a-te-karoro.” Ka houhia ki te rongo, a, ka ora nga mea i ora, me Hongi Hika. Otira, ko te rangatira nui o te ope, ko Pokaia, i mate. Heoi ka hoki mai a Te Wana-a-riri me taua ope katoa ki Otakanini.

Ko nga take enei i haere ai a Hongi Hika ki Ingarangi, ki a Kingi Hori, ki te tiki pu, paura, me taua kakahu mata.