tiporou, o Ngati-maru, o Waikato. I muri i enei whawhai, katahi ka huri mai ki a Ngati-whatua. Ko te ingoa o te pare-kura ko “Te Ikaranga-nui.” Heoi, hinga ana a Nga-puhi, hinga ana a Ngati-whatua, engari i riro te papa i a Ngapuhi. No konei ka haere a Te Tinana ki Waikato; tona taenga atu ki reira, ka puta te whakaaro o Ngati-te-ata ki te rangatira o Ngati-mania-poto, ki a Tu-korehu, kia patua a Te Tinana, a, patua ana, mate ana. Ko te take tenei i haere ai ngaiwi e rua, a Ngapuhi, a Ngati-whatua ki Waikato, ki te taki i te mate o Te Tinana. No reira i mate ai a Pomare me Te Whare-o-riri, me etahi atu o nga rangatira o Ngati-whatua. Engari, ko te nuinga o nga rangatira i ora, a hoki mai ana ki Kai-para nei.

Ka moe tetahi wahine o Ngatiwhatua i tetehi tangata o Ngati-teata; katahi ka tikina ano taua wahine e Ngati-whatua, ka tangohia mai. No reira i puta ai te whakaaro o Ngati-te-ata, puta noa i Waikato, kia whawhaitia a Ngatiwhatua. No taua takiwa i hangaapoutia ai tenei pa, a Otakanini, i whakaarahia ai hoki tenei Tiki; ko tona ingoa ko “Te Whare-o-riri.” Ko te tangata nana i whakaara tenei Tiki, ko Mate, ko tetehi o nga rangatira o Ngapuhi. Otira, kahore i tae mai a Waikato.

E toru nga tau i tu ai tenei Tiki ki Otakanini, ka whawhai nei a Hone Heke ki te pakeha, i Koro rareka.

He kupu poroporoaki enei naku, na Hami Tawaewae, ki a “Te whare o-riri”:—

Ka toto nga kohu e-i roto o Kai-para,

I te puna whakatoto riri, e,

Na o tupuna, na o matua nga ki-e,

He tahuri waka nui,

E kore e ngaro-e,

He kopua nganangana i rangi.

Me tuku atu koe ra,