Nga whare o Kuini,

Ka tapua koe ra,

Te hua o te waero,

He taonga ruru tonu-e,

I roto te whare kino,

Ka he nga hau-e,

I a tatou, e te iwi-e !

Haere e Kara! e Te Whare-o-riri !

Haere atu i roto o Kaipara ! Haere atu ki roto ki nga whare nunui o to taua iwi, o te Pakeha!

Me mihi atu koe ki o tatou hoa Pakeha ina tae atu kia kite i a koe !

“Ko ahau tenei, ko Te Whare-o-riri, e mihi atu nei ki a koutou.”

Tena koutou, me to tatou Kuini Wikitoria. Ma te Atua ia e tiaki, e hoatu hoki te kaha, kia kaha ai ia mo te whakamarama i nga ture pai mo tatou, kia rite te kupu o te Waiata cxxxiii., 1: “Na, ano te pai, ano te ahuareka o te nohoanga tahi-tanga o nga teina, o nga tuakana, i runga i te whakaaro tahi.”

Heoi ano aku mini ki a koutou; Tena koutou ! Tena koutou ! Tena koutou !

Na Hami Tawaewe.